Vöruskiptin hagstæð um 8,3 milljarða í mars

Samkvæmt bráðabirgðatölum fyrir mars 2009 nam útflutningur 34,9 milljörðum króna og innflutningur 26,6 milljörðum króna. Vöruskiptin í mars voru því hagstæð um 8,3 milljarða króna.

Í frétt um málið á vefsíðu Hagstofunnar segir að hvað varði útflutning eru vísbendingar um meira verðmæti útfluttra sjávarafurða og kísiljárns en minna verðmæti útfluttra skipa í mars 2009 miðað við febrúar 2009.

Hvað varðar innflutning eru vísbendingar um minna verðmæti innfluttra hrá- og rekstrarvara en meira verðmæti innfluttra neysluvara annarra en mat- og drykkjarvara í mars 2009 miðað við febrúar 2009.