Kröfuhafar Straums stofna nýjan banka

Þetta kemur fram í máli Georg Andersen forstöðumanns samskipasviðs Straums en í morgun var haldinn fundur með kröfuhöfum bankans. Georg segir að hinn nýi fjárfestingarbanki muni verða „lítill og hógvær" eins og hann orðar það. „Bankinn mun einkum starfa á sviði ráðgjafar og miðlunnar," segir Georg.

Fram kom á fundinum að þegar sé búið að selja eignir fyrir 247 milljónir evra eða um 45 milljarða kr. og segir Georg að það sé ívið meira en upprunalegar áætlanir gerðu ráð fyrir.

Alls eru eignir Straums nú metnar á 1,2 milljarða evra eða um 220 milljarða kr. en kröfur á hendur bankanum nema 1,8 milljörðum evra. Forgangskröfur verða greiddar að fullu og sem stendur er reiknað með að 53% af almennum kröfum fáist greiddar. Það hlutfall kann að hækka.

Tvö mál eru verða rekin fyrir dómstólum af kröfuhöfum sem ekki eru sáttir við röðina á kröfum sínum. Þar er annarsvegar um að ræða Landsbankann með kröfu upp á 288 milljónir evra sem bankinn vill fá skilgreinda sem forgangskröfu. Hinsvegar er um að ræða lífeyrissjóði sem vilja að skuldabréf þeirra upp á 132 milljónir evra verði einnig forgangskröfur.

Georg segir að bæði þessi mál hafi fengið flýtimeðferð í dómskerfinu og að vonandi náist niðurstaða í þeim í febrúar/mars á næsta ári. Þegar þessum málum lýkur er ekkert því til fyrirstöðu að skipta Straumi í tvennt eins og að framan greinir.

Aðspurður um hljóðið í kröfuhöfunum segir Georg það vera jákvætt. „Við höfum unnið með kröfuhöfunum hönd í hönd og sú vinna hefur skilað miklu," segir Georg.