Hafa ekki valið enskt heiti fyrir Kerið Árni Sæberg skrifar 30. október 2023 07:00 Ásgeir Baldurs ásamt ferðamönnum við Kerið. Vísir/Vilhelm „Við erum mjög ánægðir með að hafa náð að klára þessi viðskipti og erum mjög spenntir fyrir því að taka við þessum stað og reyna að varðveita hann og byggja upp sem öflugan ferðamannastað,“ segir forstjóri Arctic adventures um kaup á Kerinu. Kaupverðið er trúnaðarmál og Kerinu hefur ekki verið fundið nýtt nafn. Gríðarlega athygli vakti á dögunum þegar tilkynnt var um kaup ferðaþjónusturisans Arctic adventures á öllu hlutafé Kerfélagsins, sem á náttúruperluna Kerið í Grímsnes- og Grafningshreppi. Í tilkynningu þess efnis sagði að seljendurnir, Óskar Magnússon, Ásgeir Bolli Kristinsson, sem oftast er kallaður Bolli í 17, Sigurður Gísli og Jón Pálmasynir, hafi talið að nú væri góður tími til þess að láta staðar numið svo nýir eigendur geti byggt upp til frambúðar eftir sínum hugmyndum. Uppbygging borgi sig vonandi sjálf Ásgeir Baldurs, forstjóri Arctic adventures, segir í samtali við Vísi að stígar séu í kringum Kerið og að stefnt sé að því að halda þeim við og betrumbæta. Hvað varðar frekari uppbyggingu liggi fyrir deiliskipulag sem geri ráð fyrir byggingu þjónustuhúss. „Ég geri ráð fyrir því að við munum fá tilfinningu fyrir svæðinu og svo fara að huga að uppbyggingu þar sem við getum verið með betri aðstöðu, salerniaðstöðu og kannski einhverja þjónustu á svæðinu. Sem myndi vera til bóta fyrir allan þann fjölda sem þarna kemur.“ Þá segir hann að engar ákvarðanir hafi verið teknar um hækkun aðgangseyris að Kerinu. Hann hafi verið hóflegur hingað til og verði það að öllum líkindum áfram. Ásgeir tekur við tíkalli sem hann fékk fyrir að skila sígarettustubbi. Bændurnir á Miðengi hafa lengi séð um daglegan rekstur Kersins og munu gera það áfram.Vísir/Vilhelm „Við gerum líka ráð fyrir því að með því að byggja upp aðstöðu þá ættu að koma tekjur af því jafnframt. Þannig að við horfum líka á það til að standa undir þeim kostnaði sem slík uppbygging myndi kosta.“ Góð reynsla af svipuðum rekstri Arctic adventures hefur reynslu af rekstri utan um náttúruperlur. Fyrirtækið rekur heldur úti ferðaþjónustu í Raufarhólshelli í Þrengslunum, sem kallaður er Lava tunnel á ensku, og býður upp á leiðsögn um ísgöng í Langjökli, undir heitinu Into the glacier. Ásgeir segir að góð reynsla hafi fengist af því tvennu. Þá útiloki fyrirtækið ekki að álíka leiðsögn verði í boði í Kerinu og nágrenni. Þó verði þjónustan þar óbreytt fyrst um sinn. Ásgeir segir áherslu verða lagða á umhverfisvernd í Kerinu og nágrenni. Hér sést hann beygja sig á eftir sígarettustubb.Vísir/Vilhelm Vinnsluheitið er „the Crater“ Líkt og heiti hinna staðanna tveggja bera með sér, nýtir Arctic adventures sér ensk heiti á náttúruperlum til markaðssetningar gagnvart erlendum ferðamönnum. Eruð þið með gott ferðamannanafn í huga? „Við höfum svolítið verið að vandræðast með það hvort þetta sé Kerið eða the Crater. Kerið er frábært nafn en við eigum eftir að læra inn á það hvað útlendingarnir nota yfir þetta. Kannski verðum við með nafnatillagnakeppni um hvað erlenda heitið á að vera. Það er the Crater sem er notað í dag, en allar tillögur eru vel þegnar. Að óbreyttu verði nafnið þó the Crater áfram. Kerið er fallegt. En hvað eiga erlendir ferðamenn að kalla það? Vísir/Vilhelm Ekkert formlegt söluferli Ásgeir segir að Kerið hafi ekki verið sett í formlegt söluferli. „Þetta kom upp í samtölum manna á milli og kviknaði sem einhver hugmynd um að menn ættu að ræða þennan möguleika. Við í ferðaþjónustu og þeir búnir að standa í þessu nokkuð lengi og töldu að það væri komið að tímamótum.' Þeir Óskar, Bolli, Sigurður Gísli og Jón áttu Kerið í 23 ár. Óskar, sem hefur alla tíð verið helsti fyrirsvarsmaður félagsins, sagði á Facebook nýlega að þeir hefðu ákveðið að kaupa Kerið í hálfgerðu bríaríi. Ásgeir segir að um sé að ræða nokkra fjárfestingu fyrir fyrirtækið en að kaupverðið sé trúnaðarmál. Óskar Magnússon sagði frá því í Dagmálum fyrir tveimur árum að á sínum tíma hafi kaupverðið verið tíu milljónir króna. Á verðlagi dagsins er það um þrjátíu milljónir króna. Ferðamennska á Íslandi Grímsnes- og Grafningshreppur Kaup og sala fyrirtækja Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Mun bjóða upp á sömu flugáætlun og Bláfugl áður Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Neytendur kunna að meta Landlaxinn og Landbleikjuna Samstarf Guðný og Sigurður Helgi til SI Viðskipti innlent Bein útsending: Ársfundur SFS – Best í heimi? Viðskipti innlent Fleiri fréttir Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Sjá meira
Gríðarlega athygli vakti á dögunum þegar tilkynnt var um kaup ferðaþjónusturisans Arctic adventures á öllu hlutafé Kerfélagsins, sem á náttúruperluna Kerið í Grímsnes- og Grafningshreppi. Í tilkynningu þess efnis sagði að seljendurnir, Óskar Magnússon, Ásgeir Bolli Kristinsson, sem oftast er kallaður Bolli í 17, Sigurður Gísli og Jón Pálmasynir, hafi talið að nú væri góður tími til þess að láta staðar numið svo nýir eigendur geti byggt upp til frambúðar eftir sínum hugmyndum. Uppbygging borgi sig vonandi sjálf Ásgeir Baldurs, forstjóri Arctic adventures, segir í samtali við Vísi að stígar séu í kringum Kerið og að stefnt sé að því að halda þeim við og betrumbæta. Hvað varðar frekari uppbyggingu liggi fyrir deiliskipulag sem geri ráð fyrir byggingu þjónustuhúss. „Ég geri ráð fyrir því að við munum fá tilfinningu fyrir svæðinu og svo fara að huga að uppbyggingu þar sem við getum verið með betri aðstöðu, salerniaðstöðu og kannski einhverja þjónustu á svæðinu. Sem myndi vera til bóta fyrir allan þann fjölda sem þarna kemur.“ Þá segir hann að engar ákvarðanir hafi verið teknar um hækkun aðgangseyris að Kerinu. Hann hafi verið hóflegur hingað til og verði það að öllum líkindum áfram. Ásgeir tekur við tíkalli sem hann fékk fyrir að skila sígarettustubbi. Bændurnir á Miðengi hafa lengi séð um daglegan rekstur Kersins og munu gera það áfram.Vísir/Vilhelm „Við gerum líka ráð fyrir því að með því að byggja upp aðstöðu þá ættu að koma tekjur af því jafnframt. Þannig að við horfum líka á það til að standa undir þeim kostnaði sem slík uppbygging myndi kosta.“ Góð reynsla af svipuðum rekstri Arctic adventures hefur reynslu af rekstri utan um náttúruperlur. Fyrirtækið rekur heldur úti ferðaþjónustu í Raufarhólshelli í Þrengslunum, sem kallaður er Lava tunnel á ensku, og býður upp á leiðsögn um ísgöng í Langjökli, undir heitinu Into the glacier. Ásgeir segir að góð reynsla hafi fengist af því tvennu. Þá útiloki fyrirtækið ekki að álíka leiðsögn verði í boði í Kerinu og nágrenni. Þó verði þjónustan þar óbreytt fyrst um sinn. Ásgeir segir áherslu verða lagða á umhverfisvernd í Kerinu og nágrenni. Hér sést hann beygja sig á eftir sígarettustubb.Vísir/Vilhelm Vinnsluheitið er „the Crater“ Líkt og heiti hinna staðanna tveggja bera með sér, nýtir Arctic adventures sér ensk heiti á náttúruperlum til markaðssetningar gagnvart erlendum ferðamönnum. Eruð þið með gott ferðamannanafn í huga? „Við höfum svolítið verið að vandræðast með það hvort þetta sé Kerið eða the Crater. Kerið er frábært nafn en við eigum eftir að læra inn á það hvað útlendingarnir nota yfir þetta. Kannski verðum við með nafnatillagnakeppni um hvað erlenda heitið á að vera. Það er the Crater sem er notað í dag, en allar tillögur eru vel þegnar. Að óbreyttu verði nafnið þó the Crater áfram. Kerið er fallegt. En hvað eiga erlendir ferðamenn að kalla það? Vísir/Vilhelm Ekkert formlegt söluferli Ásgeir segir að Kerið hafi ekki verið sett í formlegt söluferli. „Þetta kom upp í samtölum manna á milli og kviknaði sem einhver hugmynd um að menn ættu að ræða þennan möguleika. Við í ferðaþjónustu og þeir búnir að standa í þessu nokkuð lengi og töldu að það væri komið að tímamótum.' Þeir Óskar, Bolli, Sigurður Gísli og Jón áttu Kerið í 23 ár. Óskar, sem hefur alla tíð verið helsti fyrirsvarsmaður félagsins, sagði á Facebook nýlega að þeir hefðu ákveðið að kaupa Kerið í hálfgerðu bríaríi. Ásgeir segir að um sé að ræða nokkra fjárfestingu fyrir fyrirtækið en að kaupverðið sé trúnaðarmál. Óskar Magnússon sagði frá því í Dagmálum fyrir tveimur árum að á sínum tíma hafi kaupverðið verið tíu milljónir króna. Á verðlagi dagsins er það um þrjátíu milljónir króna.
Ferðamennska á Íslandi Grímsnes- og Grafningshreppur Kaup og sala fyrirtækja Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Mun bjóða upp á sömu flugáætlun og Bláfugl áður Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Neytendur kunna að meta Landlaxinn og Landbleikjuna Samstarf Guðný og Sigurður Helgi til SI Viðskipti innlent Bein útsending: Ársfundur SFS – Best í heimi? Viðskipti innlent Fleiri fréttir Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Sjá meira