Fjárfesting Jóns Ólafssonar í London í uppnámi

Fjárfestingarfélagið Equity Special Situations (ESS) hefur fengið framgengt lögbanni á sölu Landsbankans á hlutum í félagi sem EES á. Jón Ólafsson vatnssali á 21 prósenta í ESS. ESS er með langtímalán upp á 5 milljónir punda eða um einn milljarð króna hjá Landsbankanum og hafði það lagt inn bréf sín í eignastýringarfyrirtækinu Syndicate Asset Management sem veð fyrir því, samkvæmt breska dagblaðinu Times. Þegar Landsbankinn taldi ESS ekki standa við skuldbindingar sínar hóf það sölu á bréfum Syndicate Asset Management með þeim afleiðingum að markaðsverðmæti fyrirtækisins hrundi. Um svipað leyti fór Landsbankinn í þrot. Í tilkynningu ESS til kauphallarinnar bresku segir að sýnt hafi verið fram á að félagið standi í skilum og sala Landsbankans því ólögmæt. Á mánudag í síðustu viku stóð gengi bréfa í Syndicate Assets Management í 89 pensum á hlut. Það var komið undir tólf pens á hlut í gær. Það jafngildir 87 prósenta hruni á viku.