Barry ætlar að bíða

Gareth Barry, leikmaður Aston Villa, ætlar að bíða með að skrifa undir nýjan samning til að sjá hvort að félagið komist í Meistaradeild Evrópu fyrir næsta keppnistímabil.

Barry á eitt og hálft ár eftir af samningi sínum og hefur ekki farið leynt með löngu sína að spila í Meistaradeildinni. Hann var sterklega orðaður við Liverpool í sumar sem bauð ítrekað í hann en án árangurs.

„Við erum ekki langt frá því að komast í Meistaradeildina," sagði Barry í útvarpsviðtali við BBC. „Það er ljóst að ég og Martin O'Neill (stjóri Aston Villa) munum ekki ræða mína framtíð fyrr en það er ljóst hvaða árangri við náum á þessari leiktíð."

Það er þó ljóst að O'Neill mun klára leiktíðina með Aston Villa og fer því ekki frá félaginu þegar að félagaskiptaglugginn opnar um áramótin.