Björgólfur hefur hafnað þremur tilboðum

Enska götublaðið The Mirror heldur því fram í dag að Björgólfur Guðmundson hafi þegar hafnað þremur tilboðum í enska úrvalsdeildarfélagið West Ham.

Blaðið heldur því fram að Björgólfur vilji fá 120 milljónir punda fyrir félagið auk þess sem að kaupandinn þyrfti að yfirtaka 50 milljónir í skuldir.

Heildarupphæðin er því tvöfalt hærri en sú sem Björgólfur keypti félagið á á sínum tíma. Blaðið segir þó að hann hafi í sinni tíð sett aukalega 30 milljónir punda í reksturinn.

West Ham mætir Liverpool í deildinni í kvöld klukkan 20.00.