Kinnear óttast að missa Owen

Joe Kinnear, stjóri Newcastle, viðurkennir að hann er ekki vongóður um að Michael Owen skrifi undir nýjan samning við félagið.

Samningur Owen rennur út í lok leiktíðarinnar og mun hann hitta Kinnear að máli á þriðjudaginn til að ræða framtíð hans hjá félaginu.

„Ég er ekki vongóður um að þær viðræður beri árangur," sagði Kinnear í samtali við enska fjölmiðla. „Ég er vongóður um að halda í aðra leikmenn en það horfir öðruvísi við hjá Michael. Hann er að vega og meta sína kosti eins og er en ég mun ekki fara nánar í þau mál fyrr en á þriðjudaginn."

Owen hefur verið orðaður við mörg félög í ensku úrvalsdeildinni og er talið líklegt að hann muni jafnvel fara til eitt fjögurra stórliðanna í deildinni.