Mikilvægur sigur hjá Roma í grannaslagnum

Roma vann í kvöld afar þýðingarmikinn sigur á grönnum sínum í Lazio í kvöldleiknum í ítölsku A-deildinni.

Roma lyfti sér upp fyrir fallsvæðið með 1-0 sigri þar sem Brasilíumaðurinn Julio Baptista skoraði markið sem skildi liðin að á 50. mínútu.

Þetta var 129. grannaslagur þessara erkifjenda í Róm, en þau mættu til leiks á afar ólíkum stað í töflunni. Lazio var í toppbaráttu en Roma í fallbaráttu.

Það fór svo að lokum í kvöld að liðið sem þótti ólíklegra til sigurs hirti öll stigin, en sú hefur oftar en ekki verið raunin í þessum hitaslag undanfarin ár.

Til marks um það var tveimur leikmönnum vísað af leikvelli í síðari hálfleiknum, þeim Cristian Ledesma hjá Lazio og Simone Perrotta hjá Roma.

Roma er aðeins í 17. sæti deildarinnar með 11 stig þrátt fyrir sigurinn, þremur stigum frá fallsvæðinu, en Lazio er í því fimmta með 22 stig.