Félagaskipti Kidd sögð á næsta leyti

Rod Thorn, forseti New Jersey Nets, sagði að allt útlit væri fyrir að félagaskipti Jason Kidd til Dallas Mavericks yrðu senn að veruleika.

Kidd æfði ekki með Nets í gær á fyrstu æfingu liðsins eftir stjörnuhelgina í NBA-deildinni og mun hann vera á leiðinni til Dallas í dag.

Samkvæmt fregnum munu Kidd og Malik Allen fara til Dallas í skiptum fyrir Devin Harris, DeSagana Diop, Trenton Hassell, Maurice Ager og Keith Van Horn auk þriggja milljóna dollara í reiðufé og valrétt í fyrstu umferð í nýliðavalinu á þessu ári og árið 2010.