Viðskipti innlent

Gnúpur semur við lánardrottna sína vegna vandræða

Þórður Már Jóhannesson er forstjóri Gnúps.
Þórður Már Jóhannesson er forstjóri Gnúps. MYND/Anton

Fjárfestingarfélagið Gnúpur hefur náð samkomulagi við lánardrottna um fjárhagslega endurskipulagningu félagsins. Þetta kemur fram í tilkynningu frá félaginu.

Þar segir að hluti eigna félagsins hafa verið seldur, dregið hafi verið úr skuldsetningu og rekstur dreginn saman. Samhliða hefur náðst samkomulag um endurfjármögnun eftirstandandi skulda félagsins hjá viðskiptabönkum og samið um aðrar skuldir. Aðgerðirnar hafa tryggt félaginu fjárhagslegan sveigjanleika til að mæta erfiðum markaðsaðstæðum áfram, segir enn fremur í tilkynningunni.

Fregnir höfðu borist af því að félaginu yrði jafnvel slitið en samkvæmt tilkynningunni verður ekki af því. Helstu eigendur Gnúps eru Kristinn Björnsson og Magnús Kristinsson, hvor með 43,5 prósenta hlut. Þá á Birkir Kristinsson sjö prósent og Þórður Már Jóhannesson sex prósent í félaginu. Stærsta eignin er rúmlega 10 prósenta hlutur í FL Group auk 0,94 prósenta hlutar í Kaupþingi. Markaðsvirði þessara eigna er 20 milljarðar í dag.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið