Inter tapaði fyrir Internacional

Ítalíumeistararnir í Inter þurftu að játa sig sigraða í úrslitaleik Dubai bikarsins í kvöld. Inter lék gegn brasilíska liðinu Internacional og tapaði 1-2.

Nú er hlé á deildarkeppninni á Ítalíu og tók Inter því þátt í þessu æfingamóti. Þetta æfingamót er þó af veglegri gerðinni og verðlaunaféð 750 þúsund pund.

Inter vann Ajax í undanúrslitum mótsins en náði ekki að leggja Internacional. Luis Jimenez skoraði eina mark ítalska liðsins.

Alexander Farnarud skoraði mark Stuttgart sem vann Ajax 1-0 í leiknum um þriðja sætið á mótinu.