Fótbolti

Cordoba skaut Inter á toppinn

Cordoba fagnar markinu mikilvæga í kvöld
Cordoba fagnar markinu mikilvæga í kvöld AFP

Ivan Cordoba skoraði sigurmark Inter Milan í kvöld þegar liðið vann 3-2 sigur á botnliði Reggina í ítölsku A-deildinni.

Inter virtist eiga sigurinn vísan eftir mörk frá Maicon og Patrick Vieira á fyrstu 24 mínútum leiksins. En Francesco Cozza og Franco Brienza jöfnuðu fyrir botnliðið áður en Cordoba kláraði dæmið í blálokin.

Emil Hallfreðsson var á varamannabekk Reggina í kvöld en kom ekki við sögu í leiknum.

Inter er með 21 stig úr 10 leikjum, stigi meira en Napoli sem sækir AC Milan heim á morgun og Udinese sem tekur á móti Genoa.



Ítalski boltinn

Mest lesið


Fleiri fréttir

Sjá meira


×

Mest lesið