Jói Kalli fékk ekki United

Jóhannes Karli Guðjónssyni varð ekki af ósk sinni er dregið var í undanúrslit ensku deildabikarkeppninnar í dag.

Jóhannes Karl og félagar í Burnley mæta Tottenham sem á titil að verja í keppninni. Í hinum undanúrslitaviðureignunum mætast Manchester United og Derby.

Leikið verður heima og að heiman en fyrri viðureignirnar fara fram 5. janúar næstkomandi. Leikið verður þá á heimavöllum Tottenham og Derby.

Burnley hefur þegar slegið út úrvalsdeildarfélögin Fulham, Chelsea og Arsenal í keppninni.