Innlent

Aftur ráðist á öryggisvörð í Austurstræti

Ráðist var á öryggisvörð í verslun 10-11 í Austurstræti klukkan hálf sex í morgun. Öryggisvörðurinn sem var á sinni síðustu vakt hafði afskipti af tveimur ölvuðum karlmönnum á þrítugsaldri sem voru með skrílslæti inni í versluninni þegar annar þeirra kýldi hann í andlitið og braut í honum tönn.

Öryggisvörðurinn var fluttur á slysadeild í morgun og er líðan hans góð. Mennirnir höfðu ítrekað verið beðnir um að yfirgefa verslunina vegna óláta og kom til átaka þegar átti að reka þá út. Mennirnir voru handteknir og gistu fangageymslur. Þeir verða yfirheyrðir í dag. Þetta er í þriðja skiptið á skömmum tíma sem ráðist er á öryggisvörð verslunarinnar. Fyrir nokkrum vikum var ráðist á tvo öryggisverði tvær helgar í röð. Annar þeirra hlaut lífshættulega áverka.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.