Óttast að Aron sé með brotinn úlnlið

Óttast er að Aron Einar Gunnarsson, leikmaður enska B-deildarliðsins Coventry, sé með brotinn úlnlið eftir að hann lenti í samstuði við leikmann Plymouth um helgina.

Atvikið átti sér stað í síðari hálfleiks leiksins sem Plymouth vann, 1-0. Ekki er enn vitað hversu lengi Aron verður frá en áætlað er að hann fari í myndatöku í dag.

Þó er ljóst að Aron missir af leik Coventry og Sheffield Wednesday um helgina þar sem hann fékk sína fimmtu áminningu á tímabilinu um helgina og þarf því að taka út eins leiks bann.

„Hann lenti illa á úlnliðnum og við erum nokkuð viss um að hann sé brotinn. En hann þarf samt að fara í myndatöku," sagði Chris Coleman, stjóri Coventry.

„Það fer allt eftir því hvers eðlis meiðslin eru hversu lengi hann verður frá. Kannski getur hann spilað með spelku eða gifs."