Bilic spenntur fyrir því að starfa á Englandi

Slaven Bilic, landsliðsþjálfari Króatíu, segist mjög spenntur fyrir því að starfa í Englandi þegar að samningur hans við króatíska knattspyrnusambandið rennur út.

„Ég yrði fyrir miklum vonbrigðum ef ég myndi ekki taka við ensku félagsliði. Ég er mikill aðdáandi enskrar knattspyrnu," sagði Bilic.

Bilic hefur verið landslðisþjálfari Króatíu síðan í júní 2006 og hefur síðan þá verið orðaður við fjöldamörg lið í ensku úrvalsdeildinni, til að mynda West Ham. Hann ætlar hins vegar ekki að hætta með landsliðið fyrr en að samningur hans rennur út eftir HM 2010.

„Ég er enn með nokkur tilboð en get ekkert sagt um hvort að það komi eitthvað meira úr þeim. Mín markmið er að starfa í bestu deildum Evrópu og helst vildi ég komast til Englands."