Gerrard og Lampard missa af landsleiknum

Það hefur nú fengist staðfest að bæði Steven Gerrard og Frank Lampard geta ekki spilað með enska landsliðinu gegn því þýska á miðvikudaginn vegna meiðsla.

Gerrard meiddist í leik með Liverpool um helgina en var engu að síður sagt að mæta í herbúðir enska landsliðsins. Læknar landsliðsins gátu staðfest að hann væri meiddur.

Þá kom einnig í ljós að Lampard getur ekki spilað með vegna meisla. Í þeirra stað hafa þeir Jimmy Bullard, leikmaður Fulham, og Scott Parker hjá West Ham verið valdir í landsliðið.

Hins vegar er búist við því að John Terry geti spilað með landsliðinu en hann hefur verið tæpur vegna meiðsla.