Hitnar undir Ancelotti

Það er orðið ansi heitt undir Carlo Ancelotti, þjálfara AC Milan. Byrjun liðsins á tímabilinu hefur verið afleit en liðið hefur tapað fyrir Bologna og Genoa í fyrstu tveimur leikjunum.

Ancelotti var boðaður á fund í höfuðstöðvum AC Milan í dag þar sem staða mála var rædd. Þó Ancelotti segi að fundurinn hafi verið á jákvæðu nótunum og menn ætli að leysa vandamálin í sameiningu er ljóst að hann er valtur í sessi.

Ancelotti var einnig kallaður á fund eftir að AC Milan tapaði æfingaleik fyrir Chelsea rétt fyrir mót 5-0.