Ronaldinho til AC Milan?

Ítalska liðið AC Milan gaf það út að Emmanuel Adebayor hjá Arsenal væri eini leikmaðurinn á óskalista sumarsins. Nú er ljóst að það hefur breyst því félagið hefur einnig áhuga á Ronaldinho.

Adriano Galliani, varaforseti AC Milan, hefur staðfest áhuga á Ronaldinho. Hann segir þó að Adebayor og Ronaldinho verði ekki báðir keyptir, kaup á öðrum þeirra útiloki hinn.

Barcelona vill fá 35 milljónir evra fyrir Ronaldinho en Galliani segir að verðið á honum þurfi að lækka til að hann verði keyptur.