Ólympíuverðlaun Leiva fundin

Lögreglan hefur fundið talsvert af því þýfi sem stolið var af heimili Lucas Leiva, leikmanns Liverpool, fyrr í mánuðinum.

Meðal þess sem tekið var bronsverðlaunapeningur sem Leiva fékk á Ólympíuleikunum í Peking í sumar þar sem hann lék með landsliði Brasilíu. Einnig var nokkrum knattspyrnutreyjum stolið.

Þrír einstaklingar komu fyrir rétti vegna málsins og er einn þeirra grunaður um að hafa framið innbrotið.

Leiva er níundi leikmaður Liverpool sem verður fyrir barðinu á innbrotsþjófum á undanförnum misserum.