Þarf að velja á milli Chelsea og snekkjunnar

Roman Abramovich er sagður þurfa að selja annað hvort Chelsea eða snekkjuna sína, Pelorus, eftir því sem haldið er fram í rússneskum fjölmiðlum.

Fjárhagskreppan er sögð hafa tekið sinn toll hjá Abramovich og auðæfi hans munu hafa minnkað talsvert - úr 16,7 milljörðum evra í 2,3 milljarða.

Snekkjan mun vera í miklu uppáhaldi hjá Abramovich en hún er sögð vera um 200 milljóna punda virði. Valið mun því vera erfitt hjá Abramovich, ef eitthvað er að marka þessar sögusagnir.

Þá er því einnig haldið fram að Abramovich sé tregur til að fjármagna leikmannakaup hjá Chelsea þegar félagaskiptaglugginn opnar í janúar næstkomandi.