Del Piero vill enda ferilinn utan Ítalíu

Alessandro del Piero hefur gefið það út að hann vilji enda ferilinn utan Ítalíu. Del Piero er 33 ára en hann hefur leikið með Juventus síðan árið 1993.

„Ef ég væri bara að hugsa um peningana þá væri ég ekki búinn að vera hérna svona lengi. Juventus verður mitt síðasta lið á Ítalíu en ég útiloka það ekki að prófa að spila erlendis," sagði Del Piero.

Þá sagðist hann tvívegis hafa verið nálægt því að yfirgefa Juventus á ferli sínum en á endanum hafði hann það ekki í sér að fara.