Reading tapaði óvænt á heimavelli

Reading tapaði í dag óvænt fyrir Southampton á heimavelli í ensku B-deildinni í dag. Wolves endurheimti sex stiga forystu sína á toppi deildarinnar.

Southampton vann 2-1 sigur á Reading með tveimur mörkum frá Bradley Wright-Phillips. Jimmy Kebe minnkaði muninn fyrir Reading.

Ívar Ingimarsson lék allan leikinn fyrir Reading en Brynjar Björn Gunnarsson kom inn á sem varamaður á 83. mínútu.

Reading er þó enn í þriðja sæti deildarinnar með 33 stig en er nú tíu stigum á eftir toppliði Wolves sem vann 2-0 sigur á Blackpool í dag. Birmingham er í öðru sæti en liðið vann 3-2 sigur á Swansea í gærkvöldi.

Burnley er enn í fjórða sæti deildarinnar en liðið gerði í dag markalaust jafntefli við Doncaster, þó svo að Steven Thompson, leikmaður Burnley, var rekinn af velli á 31. mínútu.

Jóhannes Karl Guðjónsson var í byrjunarliði Burnley en var skipt af velli á 79. mínútu.

Aron Einar Gunnarsson tók út leikbann í dag og lék því ekki með Coventry sem vann 1-0 útisigur á Sheffield Wednesday.

Þá var Heiðar Helguson ekki í leikmannahópi QPR sem hann gekk til liðs við í vikunni en liðið tapaði 3-0 fyrir Watford á útivelli.

QPR er í tólfta sæti deildarinnar með 25 stig en Coventry í því fimmtánda með 23 stig.

Úrslitin í dag:

Plymouth - Cardiff 2-1

Burnley - Doncaster 0-0

Charlton - Sheffield United 2-5

Crystal Palace - Bristol City 4-2

Ipswich - Derby 2-0

Preston - Barnsley 2-1

Reading - Southampton 1-2

Sheffield Wednesday - Coventry 0-1

Watford - QPR 3-0

Wolves - Blackpool 2-0