Stuðningur við Ísland ofarleg í huga danskra þingmanna

Stuðningur við Ísland var ofarlega á baugi hjá mörgum þeirra sem til máls tóku í umræðum um norrænt samstarf á danska þinginu í dag. Þetta kemur fram á vefsíðu Norðurlandaráðs.

Line Barfod fulltrúi Einingarlistans ræddi bæði um fjármálakreppuna á Íslandi almennt og um vandamál sem um 1.200 íslenskir stúdentar í Danmörku standa nú frammi fyrir vegna efnahagsástandsins. Þeir gætu orðið að hætta námi vegna þess að ekki er hægt að millifæra gjaldeyri til þeirra.

Bertel Haarder menntamála- og samstarfsráðherra Dana vildi ekki lofa því að íslenskir námsmenn fengju sérmeðferð, en sagði Dana almennt vilja aðstoða Íslendinga.

Í ræðu sinni í þinginu ræddi Line Barfod um hve ógnvekjandi það hefði verið þegar Íslendingar sneru sér til Rússla í upphafi í stað norrænna nágranna.

Danski þjóðarflokkurinn hvatti einnig til að Danir sýndu Íslendingum hve góðir grannar þeir væru á krepputímum.