Gilardino á leið til Fiorentina

Ítalski landsliðsmaðurinn Alberto Gilardino hefur gengið í raðir Fiorentina frá AC Milan í ítölsku A-deildinni. Þetta kemur fram á heimasíðu Fiorentina í dag. Gildardino er 25 ára gamall og hefur aldrei náð að festa sig í sessi hjá Milan á þeim þremur árum sem hann hefur leikið með félaginu.

Hjá Fiorentina býðst honum nú tækifæri til að sanna sig á ný og að spila í Meistaradeild Evrópu - nokkuð sem ekki er í boði hjá Milan næsta vetur.

Framherjinn verður kynntur formlega til leiks hjá Fiorentina á morgun.