Skrtel ætlar sér að spila um jólin

Martin Skrtel, varnarmaður Liverpool, ætlar sér að spila með liðinu á nýjan leik um jólin en hann meiddist illa í leik með liðinu í síðasta mánuði.

Um var að ræða hnémeiðsli en endurhæfingin er sögð ganga vel og Skrtel er bjartsýnn að hann verði búinn að ná sér fyrir áramót.

„Það eru núna sex viknur síðan ég meiddist og ég er kominn af hækjunum. En ég þarf vissulega að leggja mikið á mig til að koma mér aftur í stand."

„Þetta var mjög sárt og í fyrstu hélt ég að meiðslin væru mun alvarlegri en þau reyndust vera. Þegar ég kom aftur í búningsklefann áttaði ég mig á því að þetta væri ekki það slæmt. Ég var vissulega hundsvekktur vegna meiðslanna en þetta er bara hluti af knattspyrnunni."

„Ég veit ekki nákvæmlega hvenær ég get byrjað að spila aftur en það hefur verið miðað við jólin. Ég vonast til að ég byrjað sem allra fyrst og ég hlakka til að fara að sparka í bolta á nýjan leik."