Aron á leið til Möltu - ekki úlnliðsbrotinn

Arnór Gunnarsson, bróðir Arons Einars Gunnarssonar, segir að það sé rangt sem kemur fram í enskum fjölmiðlum að óttast sé að Aron sé úlnliðsbrotinn.

Aron meiddist í leik Coventry og Plymouth um helgina en Arnór segir að hann hafi farið úr lið á fingri. „Hann vildi halda áfram að spila en Chris Coleman (stjóri Coventry) bannaði honum það," sagði Arnór og bætti við að Aron ætlaði sér að spila með íslenska landsliðinu á Möltu.

„Að sjálfögðu. Hann er alinn upp í handboltanum og þar harka menn svona lagað bara af sér," sagði Arnór og hló en hann er leikmaður Vals í N1-deild karla.