New Orleans - San Antonio í beinni í nótt

Tveir leikir fara fram í úrslitakeppni NBA deildarinnar í nótt og verður annar leikur New Orleans og San Antonio sýndur beint á NBA TV rásinni á Fjölvarpinu. Leikurinn hefst klukkan 1:30 eftir miðnætti. Þá mætast Detroit og Orlando öðru sinni í nótt.

New Orleans hefur komið mikið á óvart í allan vetur og hefur öskubuskuævintýrið haldið áfram í úrslitakeppninni.

Liðið vann sannfærandi sigur á meisturum San Antonio í fyrsta leiknum í fyrrakvöld og því er ljóst að mikið verður undir hjá meisturunum í öðrum leiknum í kvöld.

NBA Bloggið á Vísi.