Burley leiður vegna meiðsla Hatton

George Burley, landsliðsþjálfari Skotlands, segist vera afar leiður yfir því að varnarmaðurinn Alan Hutton verði frá næstu fimm mánuðina.

Skotland er í sama riðli og Ísland í undankeppni HM 2010 og mun Hatton væntanlega missa af leikjum Skotlands gegn Hollandi og Íslandi sem fara fram í lok mars og byrjun apríl á næsta ári.

Holland er efst í riðlinum með níu stig, fimm stiga forystu á bæði Skotland og Ísland sem eru í 2.-3. sæti.

„Þetta eru augljóslega afar slæmar fréttir fyrir Alan, félagið hans og skoska landsliðið," sagði Burley. „Þetta er mikið áfall fyrir okkur. Hann er mikilvægur leikmaður í okkar liði og við óskum hans góðs bata."

Hutton var lykilmaður í skoska landsliðinu í undankeppni EM 2008 þar sem Skotar voru afar nálægt því að komast inn í sjálfa úrslitakeppnina. Hann spilaði svo með landsliðinu á ný þegar að liðið mætti Argentínu í vináttulandsleik fyrr í mánuðinum.

„Við vorum í stöðugu sambandi þegar hann var síðast að ganga í gegnum endurhæfingarferli og það var frábært að fá hann aftur fyrir leikinn gegn Argentínu."

Hutton missti einnig af leik Íslands og Skotlands í haust þar sem Skotar unnu 2-1 sigur.