Jóhann Berg æfði með Coventry

Jóhann Berg Guðmundsson æfði í dag með enska B-deildarliðinu Coventry eftir því sem staðarfjölmiðlar greina frá.

Reyndar er ekki greint frá nafni leikmannsins en hann er sagður vera átján ára Íslendingur og má ljóst vera að þarna er átt við Jóhann Berg.

Einnig er sagt frá áhuga þýsks úrvalsdeildarliðs á leikmanninum sem og áhuga AZ Alkmaar. Jóhann Berg hefur tvívegis farið til Þýskalands til að æfa með Hamburger SV.

„Hann er nýorðinn átján ára gamall og því bara hvolpur. En hann æfði með okkur í dag og mér fannst mjög mikið til hans koma," sagði Chris Coleman, knattspyrnustjóri Coventry.

Aron Einar Gunnarsson er á mála hjá Coventry.