Van Persie: Þetta var rangstaða - Myndband

Robin van Persie hefur viðurkennt að hann hafi verið „örlítið" rangstæður þegar hann skoraði fyrra mark sitt í 2-1 sigri Arsenal á Chelsea um helgina.

Samantekt úr leiknum má sjá hér en eins og alltaf er hægt að skoða öll mörk liðinnar umferðar í ensku úrvalsdeildinni hér á Vísi.

„Ég skoraði mark gegn Chelsea þar sem ég var réttstæður. Markið var hins vegar dæmt af vegna rangstöðu," sagði van Persie í samtali við enska fjölmiðla og átti þar við leik liðanna í desember 2005. Chelsea vann leikinn, 2-0.

„Í þetta skiptið var ég kannski örlítið rangstæður en markið taldi og það er það sem skiptir máli," bætti hann við.

Luiz Felipe Scolari, knattspyrnustjóri Chelsea, hefur farið fram á að dómaratríóið biðjist afsökunar á því að hafa leyft markinu að standa.