Milan vann borgarslaginn - tvö rauð

Ronaldinho tryggði AC Milan sigur í borgarslagnum í Mílanó gegn Inter. Tveir leikmenn Inter fengu að líta rauða spjaldið.

Ronaldinho skoraði eina mark leiksins á 37. mínútu með skalla eftir fyrirgjöf Kaka.

Á 77. mínútu fékk svo Nicolas Burdisso að líta sitt annað gula spjald í leiknum og þar með rautt. Sjö mínútum síðar fékk Marco Materazzi beint rautt fyrir kjaftbrúk.

Jose Mourinho, stjóri Inter, var þó búinn að skipta honum út af og voru því tíu leikmenn Inter inn á vellinum þegar leiknum lauk.

Inter mistókst þar með að komast á topp deildarinnar en AC Milan færðust upp í sjöunda sæti deildarinnar með sigrinum.