Figo missir af grannaslagnum

Luis Figo mun ekki leika með Inter á sunnudaginn þegar liðið mætir erkifjendum sínum í AC Milan í stríðinu um Mílanóborg.

Komið hefur í ljós að hinn 35 ára gamli Figo er með brákað bein á ristinni og verður því að taka sér frí frá æfingum og keppni næstu vikurnar. Meiðsli hans eru þó ekki það alvarleg að þurfi að skera hann upp eftir því sem fram kemur á heimasíðu Inter.

Talið er nokkuð vist að Figo sé á sínu síðasta tímabili með Inter, en hann hefur skorað 10 mörk fyrir ítölsku meistarana síðan hann gekk í raðir liðsins frá Real Madrid árið 2005.