Shearer verður ekki aðstoðarmaður Keegan

Kevin Keegan hefur staðfest að Alan Shearer verði ekki aðstoðarmaður sinn hjá Newcastle.

Keegan var í síðustu viku óvænt ráðinn knattspyrnustjóri Newcastle og sagði Shearer að hann myndi gjarnan vilja vinna með Keegan.

Þeir héldu langan fund í gærkvöldi og komust að þeirri niðurstöðu að ekkert yrði að þessu samstarfi að sinni.

„Við hittumst aftur á mánudaginn en það er ljóst að hann verður ekki aðstoðarknattspyrnustjóri," sagði Keegan.

Hann bætti því við að það væri ekki útilokað að hann taki að sér aðra stöðu hjá félaginu.