Elano frá í tvær vikur

Elano verður frá næstu tvær vikurnar að minnsta kosti eftir að hann meiddist í leik Manchester City og Paris St. Germain í UEFA-bikarkeppninni í gær.

Leiknum lauk með markalausu jafntefli en City var þegar búið að tryggja sér sæti í 32-liða úrslitum keppninnar.

Elano var skipta af velli snemma í síðari hálfleik þar sem hann hafði meiðst á nára.

„Við munum athuga hans stöðu en yfirleitt þegar menn togna á nára eru þeir frá í að minnsta kosti tvær vikur. Þetta er vissulega áfall fyrir okkur en vonandi verðu hann ekki lengi frá. Við megum ekki við því að missa fleiri miðjumenn í meiðsli."