Robinho: Hugarfarið þarf að breytast

Robinho, leikmaður Manchester City, segir að leikmenn félagsins verði að byrja að hugsa eins og meistarar ætli þeir sér stóra hluti í ensku úrvalsdeildinni.

„City er með góða leikmenn en hugarfar lítils liðs," sagði Robinho í samtali við enska fjölmiðla. „Þá skortir hugarfar meistara."

„Leikmenn virðast vera sáttir við að ná fimmta eða sjötta sæti deildarinnar. Þeir eru ánægðir með litlu hlutina og hugsa með sér að jafntefli séu ásættanleg úrslit."

„Ég hef lært á mínum ferli að það er einskis virði að lenda í öðru sæti. Ég vil að leikmenn læri að hugsa eins og sigurvegarar. Menn eiga ekki sætta sig við neitt annað en sigur. Við þurfum að vinna lið eins og Chelsea, Manchester United og Liverpool."

„Ef City ætlar sér að ná langt í deildinni verður hugarfarið að breytast."