Ronaldo knattspyrnumaður ársins í Evrópu

Portúgalinn Cristiano Ronaldo hefur verið útnefndur knattspyrnumaður ársins í Evrópu af franska tímaritinu France Football og hlýtur hann Gullknöttinn, Ballon d'Or, svokallaða fyrir.

Ronaldo skoraði 42 mörk fyrir Manchester United á síðustu leiktíð en félagið varð bæði enskur meistari sem og Evrópumeistari.

„Þetta er einn fallegasti dagur lífs míns og eitthvað sem mig dreymdi um sem barn," sagði Ronaldo.

Lionel Messi, leikmaður Barcelona, og Fernando Torres hjá Liverpool komu næstir í kjörinu.

En 77 af 96 íþróttafréttamönnum víðs vegar um heim settu Ronaldo í efsta sæti sinna lista. Víðir Sigurðsson, íþróttafréttamaður á Morgunblaðinu, er fulltrúi Íslands í kjörinu.

Þessir leikmenn fengu atkvæði:

1. Cristiano Ronaldo (Manchester Utd) 446 stig

2. Lionel Messi (Barcelona) 281 stig

3. Fernando Torres (Liverpool) 179 stig

4. Iker Casillas (Real Madrid) 133 stig

5. Xavi Hernandez (Barcelona) 97 stig

6. Andriy Arshavin (Zenit St. Pétursborg) 64 stig

7. David Villa (Valencia) 55 stig

8. Kaka (AC Milan) 31 stig

9. Zlatan Ibrahimovic (Inter Milan) 30 stig

10. Steven Gerrard (Liverpool) 28 stig

11. Marcos Senna (Villarreal) 16 stig

12. Emmanuel Adebayor (Arsenal) 12 stig

13. Wayne Rooney (Manchester United) 11 stig

14. Sergio Aguero (Atletico Madrid) 10 stig

15. Frank Lampard (Chelsea) 8 stig

16. Franck Ribery (Bayern München) 7 stig

17. Samuel Eto'o (Barcelona) 6 stig

18. Gianluigi Buffon (Juventus) 5 stig

19. Michael Ballack (Chelsea), Cesc Fabregas (Arsenal) 4 stig

21. Didier Drogba (Chelsea), Sergio Ramos (Real Madrid), Nemanja Vidic (Manchester United) 3 stig

24. Edwin van der Sar (Manchester United), Ruud van Nistelrooy (Real Madrid), 2 stig