Stefnir í lægstu innlánsvexti Englandsbanka síðan 1694

Viðskiptavinir breskra banka sjá hugsanlega fram á lægstu innlánsvexti síðan árið 1694 á meðan bankarnir róa lífróður út úr gjörningaveðri efnahagsmála.

Greiningarsérfræðingar Englandsbanka voru ómyrkir í máli þegar þeir lýstu því yfir að vextir á innlánsreikningum gætu farið niður í tvö prósent og í versta falli alla leið niður í eitt prósent. Þetta yrðu lægstu vextir frá stofnun bankans árið 1694 eða í rúm 300 ár.

Roger Bootle hjá Englandsbanka segir þetta hugsanlega eina ráðið í stöðunni en dugi það - verði þar við að sitja.