Obama boðið á Upton Park

West Ham hefur sent Barack Obama, verðandi Bandaríkjaforseta, hamingjuóskir sínar og boð um að koma á leik með West Ham næst þegar hann er í Bretlandi.

Obama er sagður vera mikill íþróttaáhugamaður og gallharður stuðningsmaður West Ham. Hálfsystir hans býr í Bretlandi og fór með hann á Upton Park árið 2003.

„Við erum hæstánægðir með að Barack Obama á sín tengsl við West Ham og við sendum honum okkar hamingjuóskir og boð um að koma á leik hvenær sem hann vill," sagði talsmaður West Ham sem er í eigu Björgólfs Guðmundssonar.