Fjölmiðlar á Ítalíu greina frá því að AC Milan hefur unnið samkeppnina um brasilíska varnarmanninn Thiago Silva.
Inter og Villareal höfðu mikinn áhuga á að fá hann og Robinho benti Manchester City á að kaupa leikmanninn.
Þessi 24 ára varnarmaður kemur frá Fluminese en AC Milan hefur verið í leit að liðstyrk í vörnina hjá sér. Silva heitir fullu nafni Thiago Emiliano da Silva og á tvo landsleiki að baki.
