Chelsea segir ummæli Alex röng

Chelsea birti í dag yfirlýsingu á heimasíðu sinni þar sem fram kemur að félagið hafi enga formlega beiðni fengið frá Brasilíumanninum Alex um að verða seldur frá félaginu.

Haft er eftir Alex í enskum fjölmiðlum í dag að hann hafi tilkynnt Chelsea að hann vilji fara annað þegar að félagaskiptaglugginn opnar í janúar næstkomandi. Hann sé óánægður með hversu fá tækifæri hann hafi fengið í byrjunarliði félagsins.

„Chelsea vill taka skýrt fram að enginn leikmaður félagsins hefur lagt fram formlega beiðni um félagaskipti," sagði í yfirlýsingunni. „Félagið mun sjálft ákveða framtíð samningsbundna leikmanna eftir því sem það þjónar hagsmunum félagsins best."