Heiðar handviss um að mörkin muni koma

Heiðar Helguson segist fullviss um að hann muni fljótlega opna markareikning sinn fyrir QPR en hann hefur þegar komið við sögu í þremur leikjum með félaginu.

Heiðar kom inn á sem varamaður í sínum fyrsta leik með QPR gegn Crystal Palace í lok síðasta mánaðar og komst þá nálægt því að skora.

Síðan þá hefur hann tvívegis verið í byrjunarliðinu en ekki náð að setja boltann í mark andstæðingsins.

Um helgina mætir QPR liði Plymouth á útivelli en Heiðar og félagar hafa ekki skorað í síðustu átta útileikjum sínum.

„Ég hef fulla trú á sjálfum mér," sagði Heiðar í samtali við enska fjölmiðlar. „Ég var fenginn til félagsins til að skora mörk og það er það sem ég ætla mér að gera."

„Það tekur auðvitað sinn tíma að koma sér fyrir hjá nýju félagi en ég er handviss um að ég geti staðið mig vel hjá QPR."

Heiðar var í síðasta mánuði lánaður til QPR frá Bolton en lánssamingurinn rennur út fyrsta næsta mánaðar. Þá mun QPR hafa þann möguleika að kaupa Heiðar.