Breskir bankar hrynja eftir lækkanir á lánshæfismati

Bresku bankarnir HBOS og Royal Bank of Scotland hafa hrunið á markaðinum í London í morgun eftir að Fitch lækkaði lánshæfismatið á þeim.

Í báðum bönkunum var lánshæfismatið lækkað úr AA+ niður í AA. Þetta olli því að hlutabréf í HBOS lækkuðu um 42% og í Royal Bank of Scotland um 19%. Á meðan hefur FTSE vísitalan nær staðið í stað.

HBOS er sá banki í Bretlandi sem er umfangsmestur á fasteignamarkaðnum þar sem er í mikilli niðursveiflu. Skuldatrygginarálag HBOS hefur á örskömmum tíma rokið úr 50 púnktum og upp í 550 púnkta.