NBA í nótt: Hughes góður gegn gömlu félögunum

Þrír leikir fóru fram í NBA deildinni í körfubolta í nótt. Chicago vann nokkuð óvæntan útisigur á Cleveland 101-98 þar sem Larry Hughes var fyrrum félögum sínum erfiður og skoraði 25 stig, gaf 9 stoðsendingar og hirti 8 fráköst fyrir Chicago en LeBron James skoraði 33 stig fyrir Cleveland.

Sacramento lagði LA Clippers 110-98 þar sem Kevin Martin skoraði 26 stig fyrir Sacramento en Corey Maggette skoraði 26 stig fyrir Clippers.

Loks vann Houston 95-86 sigur á Portland á útivelli þar sem Tracy McGrady skoraði 35 stig fyrir Houston en LaMarcus Aldridge 23 fyrir Portland.