Verkfall lamar GM

Starfsemi í bílaverksmiðjum GM í Bandaríkjunum liggur nú niðri eftir að verkalýðsfélagið UAW boðaði til allsherjarverkfalls. Verkfall UAW, eða United Auto Workers, nær til rúmlega 70.000 starfsmanna GM. Verkfallið kemur í kjölfar þess að kjarasamningaviðræður sigldu í strand um helgina.

Þetta er fyrsta allsherjarverkfallið sem boðað er í bandaríska bílaiðnaðinum síðan 1976. Ron Gettelfinger forseti UAW segir að atvinnuöryggi félagsmanna hafi verið lykilatriði í samningaviðræðunum af þeirra hálfu en stjórn GM hafði engan áhuga á að ræða þau mál.

Dan Flores talsmaður GM segir að fyrirtækið hafi orðið fyrir miklum vonbrigðum með að verkfallið skyldi boðað. Ekki hefur enn verið boðað til næsta samingafundar milli aðila.