Poyet: Viljum ekki spila á öðrum degi jóla

Gus Poyet, aðstoðarknattspyrnustjóri Tottenham, segir að það sé vilji hans og annarra hjá félaginu að hætt verði að spila á öðrum degi jóla í ensku úrvalsdeildinni.

Hann vill að tekið verði vetrarhlé í deildinni eins og gert er víðast hvar í Evrópu.

„Ég veit að það er hefð að spila á öðrum degi jóla en við vildum helst hætta því," sagði Poyet.

„Það er erfitt að þurfa að æfa á jóladegi en við þurfum nauðsynlega að gera það. Margir okkar leikmanna eiga við meiðsli að stríða en við þurfum að geta stillt upp besta liðinu sem við eigum völ á."