Kynlífsmyndband með Micah Richards lak á netið

Micah Richards, varnarmaður Manchester City og enska landsliðsins, fær mikið pláss í ensku götublöðunum.

Ástæðan er sú að nú hefur lekið út myndband á netið þar sem Richards sést í kynlífsathöfn ásamt ungri stúlku og félaga sínum á almenningsklósetti.

Myndbandið er tekið upp á farsíma en atburðurinn átti sér stað á klósetti á hóteli í Manchester borg. Myndbandið var líklega tekið upp fyrir um fimm vikum, eða um það leyti sem Englandi mistókst að komast í lokakeppni EM.

Talið er að Richards hafi sent myndbandið til einhverra félaga sinna og þaðan hafi það síðan komist á veraldarvefinn.

Richards er aðeins nítján ára gamall og er ein allra bjartasta von enska boltans. Hann hefur unnið sér inn fast sæti í hjarta varnar City og er farinn að leika á fullu með landsliðinu.

Sven Göran Eriksson, knattspyrnustjóri Manchester City, hefur rætt um þetta mál við Richards vegna þeirrar neikvæðu umfjöllunar sem það hefur í för með sér.