Aguero eftirsóttur

Ítölsku stórliðin Juventus og Inter eru ákveðin í að næla í argentínska ungstirnið Sergio Aguero. Það er þó ljóst að það þarf að kafa djúpt í veskið til að kaupa þennan nítján ára sóknarmann frá spænska liðinu Atletico Madrid.

Aguero hefur skorað ellefu mörk í 31 leik fyrir spænska liðið síðan hann var keyptur frá Independiente. Hann hefur náð að fylla það skarð sem Fernando Torres skildi eftir sig þegar hann fór til Liverpool.

Fleiri stórlið hafa augastað á Aguero sem sjálfur hefur sagt að draumur sinn sé að leika við hlið landa síns Lio Messi sem er hjá Barcelona.