Bjóða flatskjái og bíla með húsum

Danskir fasteignasalar hafa gripið til nýstárlegra aðferða til þess að reyna að hleypa lífi í markaðinn. Þannig bjóða sumir þeirra flatskjá eða jafnvel bifreið í kaupbæti ef fólk kaup íbúð eða hús af þeim.

Haft er eftir fasteignasala á vef danska viðskiptablaðsins Börsen að þetta sé það sem koma skuli og að fasteignasalar verði að nota ímyndunaraflið í þessum málum.

Hægt sé að bjóða upp á líkamsræktarkort og utanlandsferðir eða jafnvel húsgögn í nýju íbúðina. Bent er á að þessi aðferð sé vel þekkt í Bandaríkjunum en það var fyrst í ár varð það löglegt að höfða til neytenda með kaupbæti eins og þessum.