Viðskipti erlent

Nasdaq sagt hafa boðið í OMX

Robert Greifeld, forstjóri Nasdaq.
Robert Greifeld, forstjóri Nasdaq. Mynd/AFP

Gengi hlutabréfa í norrænu kauphallarsamstæðunni OMX hækkaði um heil 13 prósent við opnun markaða í morgun eftir að sænska dagblaðið Dagens Industri sagði að bandaríski hlutabréfamarkaðuinn Nasdaq hefði lagt fram yfirtökutilboð í norrænu kauphöllina fyrir hálfum mánuði. OMX segir svo ekki vera.

Dagens Industri segir tilboð Nasdaq hljóða upp á 23 milljarða sænskra króna, jafnvirði 221 milljarðs íslenskra króna. Það jafngildir 192 sænskum krónum fyrir hvern hlut í OMX, sem rekur kauphallir í Eystrasaltslöndunum og á Norðurlöndunum að Noregi undanskildu. Kauphöll Íslands heyrir undir OMX.

Niclas Lilja, talsmaður OMX, neitar fréttum þessa efnis og vildi ekki tjá sig um orðróm. OMX sagðist ennfremur hvorki hafa fengið formlegt né óformlegt yfirtökutilboð frá Nasdaq. Hins vegar séu viðræður í gangi við nokkra hlutabréfamarkaði um samstarf.

Gengi hlutabréfa í OMX tók kipp upp á við í fyrstu viðskiptum dagsins og fór hæst upp um 17 prósent. Það lækkaði nokkuð þegar á leið morguninn.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
7,5
53
497.955
SJOVA
2,75
16
322.070
VIS
2,56
21
553.923
SKEL
2,21
7
37.331
ARION
2,18
55
1.625.394

Mesta lækkun dagsins


Félag
Br.%
Fjöldi
Velta*
EIM
-1,67
31
804.054
HAGA
0
5
69.587
Velkomin á Vísi. Þessi vefur notar vafrakökur. Sjá nánar.